ДР-ла IV ва V даражлумала вацIала фондла ванзурбала мер-мусаличиб цIадиркнила урехи акIни багьандан, вацIурбази адамти хIебашахъес ва транспортла гIягIниахълуми хIедикахъес къадагъабирули саби.
«Къадагъалати тяхIяр-кьяйда кадизахъурти сари тIабигIятла шуртIри хIисаблизи касили, ва Россияла Гидрометцентрла баянти хIясибли, вацIурбази цIадиркнила урехиласи аги гьачамлис агархIебиубли биъни багьандан. РФ-ла ВацIала Кодексла 53.5-ибил статьяличи ва 3-ибил пунктличи балбикахъили, къадагъабирули саби вацIурбази адамти башахъес ва машинаби дикахъес, илкьяйдали илар белгити хIянчи дурадуркIахъес, — балахъули саби багьахънилизиб.
Белгити тяхIяр-кьяйда кьабулдарибти сари Буйнакъскла, Казбековла, Кьасумкентла, Къизларла, МяхIярамкентла, Ногъайла, Сергокъалала, Хасавюртла ва Хивла вацIурбазир 2021 ибил дусла августла 2-личирад 7-личи бикайчи, илкьяйдали МяхIячкъалала вацIализирра августла 4-личирад 7-личи бикайчи.
