Улкала хъар­хIе­ра­гар­деш ка­ла­хъес хIя­дурти багьа­дур­тала къяяни гьар бар­хIи чедирцIули сари.
Ук­раинала мер-мусаличиб бе­турхуси дявила хасси бал­буц бехIбихьибхIейчибад ба­хъал дагъистанланти саби гIя­­­хIъулали ВатIайс къа­раул­барес арбякьи саби. Илди-ур­габ бахъал саби нушала дар­­гантира. Илдигъунтала къяя­­­­називадси сай иш дила ма­­кьа­­лала игит – ГIялибулат Кьурбанович Мя­­­­хIя­м­­ма­довра.
ГIялибулат МяхIяммадов акIубси сай Дахадаевла районна Уркарахъла шилизив. 1993 ибил дуслизиб Уркарахълизибси гимназия таманбарили гIер­гъи, ДГУ-ла математикала факультетлизиб белчIуди даимбарибсири. КIинайс ил шилизи чарухъун ва мугIяллимла хIян­чиличи кайиб. Ил манзилли­зив ГI.Мя­хIям­мадов районна багьудила багьахънибала-ме­тодикала центрла мето­дист­ли узиб, кIинайс районна кьай­гим­дешла управлениела спе­циа­л­истли, Уркухъла шила школала директорли ва гIурра цар­­хIилти мераначиб хIянчи даим­­бариб.
ГI.МяхIяммадовла гIямру пе­­­­­д­аго­гикаличилцун ахIенри дарх­дасунти, 2023-2024 – иб­ти дусмазиб илини Рос­сия­­ла гIяр­­­миялизиб къул­лукъ­­­ба­риб­сири. Танкабачи къар­ши­деш ди­руси взводла ко­ман­дирли калунсири ил. КIи­найс вяг­Iда хIя­­­сибли, Чечня­лизивра ка­лун­сири.
ГIергъити дусмазив школа­ла директорли ва му­гIял­лимли узуси ГIялибулат Мя­хIям­ма­дов­ли улкала хъар­хIе­ра­гардеш ва илаб хIербирути халкьла дар­шу­деш калахъес багьандан, гьачам-гьатIи дявила палтар чегьур. Сай гIяхIъулали ил Ук­раинала мер-мусаличиб бе­турхуси дя­вила хасси балбуц­личир бу­тIа­кьяндеш дарес аря­кьун.
Гьанна бусягIят ил кIел жу­мягI­лис багьлабарахъес хъу­ли вархьили сай. «Замана» га­зе­тала редакциялизи ил гIяхI­лад­ли вакIиб ва тама­ша­ласи ихтилат дураберкIиб.
«2024 ибил дуслизиб Рос­сияла Ярагъладарибти ЦIа­­­кьанала къяяназиб къул­лукъ­барес или, чизилра хIе­бурили, нуни вягIда бигьунсири. КIинайс ну Ук­раинализи аркьни багьур­хIели, адамтала жура-журала пикруми лерри, амма чIянкIли дила юлдашуни ВатIайс къа­рауй­­чибхIели, нура илдала мякь­лав виэс гIягI­нисира иб­сицун пикри саб­ри дила», — бу­риб ГIялибулат Мя­хIям­­ма­дов­ли.
Журналистунала суалтас жавабти дедлугули илини буриб: «Нушаб итар лерилра хIя­жатти шуртIри гьаладирхьули сари: берклуми, палтар, ярагъ… селалра агри багьурси ахIен. Итаб дергъ саби, гьар-чинаралра аги-кьяйда ца­ван диэс асубируси ахIен», — чеим­цI­абариб илини.
Ургъанни бурили кьяйда, бегIлара къиянси далилли бетарули саби – чула дявила узбачил даимлис де­кIар­биркни…
Гьайгьайрагу, илдигъунти уре­хиагарти нартани лебил улкала пахрули бетарули саби. Дергъла цIализи аркьу­си адам сегъунти-дигара аги-кьяй­даличил къаршиикес хIя­дурси гIяхIгъабза сай. Илдигъунти чIу­мати адамти лебай – улка паргъатли кавлан.
ГIялибулат МяхIям­ма­дов­лис ва илала дявила гьалмагъунас чедибдеш ва чIумаси арадеш дулгехIе. Аллагьла ур­кIецIилиур калабая.

ПатIимат Шахова