Ишдусла июль баз­ли­зир дарибти да­хъал чяхI-забли Ахъу­­­шала районнизир хал­кь­лис гIяхIцад зарулти де­та­ахъур. Гьундури заядиуб, бухI­ра­зирад гIянжи, къаркъуби ва шур­ми хIусдухъун, гьун­ду­рачи хIуркI­би чедидухъун. БегI­лара халаси нукьсандеш бе­таур Ахъушала шила дай­лаб, алавчарти махьурбази ар­кьути шинна турбаби дарг­дер­ди­ли. Илди шин дашути халати турбаби цаладяхъибти бекI­ли­биубси мерличирад дарг­дер­дибтири вацIала мякь­ларти мер-муса­личир. Илди шинна тур­ба­би далдарес гьаланачи къиян­бу­хъун «Ахъушинка» би­кIу­си хIеркIла мякьларад кадукили диъни ба­гьан­дан, сенахIенну ил хIеркI дахъал заб да­ри­­ли гIергъи, гIяхI­цадла им­цIа­­­биубхIели. Район­на дай­ларти ва чумал алавчарти махьур­базирти шин дахъ­хIиагарли дакIахъиб, гьанна бусягIятра илар дахъал хIянчи детурхули сари. Лер гIурра чу­мал махьи гьачамлис шин агар­тира. Илди махьурбазира шин дихуси машиналичир ди­ахъу­ли, адамти шинничил гIеб­­­бур­цу­ли саби. Районна центр­­ра ил­кьяйдали, чумал бар­­хIи шин агар­диубхIели, илгъуна ма­шина мер-мерличи тIашиули, адамти шин­ничил гIеб­бурцули ка­лун­тири.
Шинна шайчибси нукьсандеш дакIубиубхIели, «Ахъу­­­ша­ла район» МО-ла адми­нист­рацияла бекI МяхIяч ГIяб­­дулкаримовли, Ахъушала ши­ла бекI Набигуллагь ГIяб­дул­­вагьабовли итмадан илди мер-мусаличи баили, ахтарди дураберкIиб. БекIа­хъудила къуллукъунала (ЖКХ-ла) шайчибти хIян­чи­зартира жибарили, шин датдухъунти мер-муса ахтардидариб, гIягI­ни­ахълуми тIалабдариб. Илди хIянчи детурхнила аги-кьяйда район­на ва шила бургани хIе­ру­дилиу касили сари.
Гьанна илар 600 метрла кьадарла турбаби дарсдарилигу, гIуррара 1600 метрла кьадарла мерличи турбаби кадихьес гIягIнили сари. Турбабира тIалабдарили, ремонтла хIянчи даимдирули, халкь жяв-жявли шинничил гIеббуцес багьандан жигарчерли, нукьсандешуни агардирахъули бузули саби, бригадализибти Ахъушала бе­кIахъудила къуллукъунала шай­чибти хIянчизарти.
Шинна хIекьлизирти хIян­чи детурхахъули, ахтардлуми дурадуркIули бузути адамти халкьла шайзибад баркаллаличи, Аллагьла шайзибад кириличи лайикьбиркули саби. СенахIенну пасихIти адамтани бурули саби, халкьлис, мицIираглис ва тIабигIятлис, дегIунти духълумас ман­па­гIят­диахъес шин кибти адамтас, илди шин дашули лералли кахIебурхуси садакьа саби, иш дунъяличиб лебаллира ва ахиратлизибра или.
ЧевяхIсини арадеш бараб лебтасалра — халкьлис ман­па­гIят­­биэс, гIяхIдеш ва кумекбарес кьасличил бузути адамтас.