Гьалабван Дагъиста халкьанала цадешла БархIила байрамла дазурбазир, МяхIячкъалализибси Родопский бульварьличир урусунала шашкабала шайчирти абзани детерхур.
Илдазир бутIакьяндеш дариб Дагъиста шагьуртазибадти ва районтазибадти 14 адамли. Абзанала баянти хIясибли, илдазиб чедибдеш сархиб Ахъушала районна МухIела шилизивадси МяхIям­мад Кьур­бановли, кIиибил мер буциб Къара­будагъ­­кент­ли­зивадси Мустапа МяхIяммадовли, хIябъибил – МяхIячкъализивадси Шериф Бейбалаевли.
Дагъиста шашкабала Федерацияла президент Арсен Адзиевли абзаназир гьаларти мерани дуцибти кубокуначил, ХIурматла Грамотабачил ва медальтачил шабагъатлабариб, илдас ва абзанала лебилр

а бутIакьянчибас челябкьлализир шашкабала спортла кьялилизир гьарбизуни далгун.
Абзанала сиптакарти сабри МяхIячкъала шагьарла администрацияла спортла, туризмала ва жагьилтала баркьудлумала шайчибси управление. Абзани дурадуркIути сари Дагъистайзиб шашкабала спортла жура гьалабяхI башахъес, ил тIинтIбиахъес, гьалмагъдешла бархбасуни уржахъес багьандан.