Мургукла шила духIнарти гьун­дури къулайдирнила ва сагадирнила шайчирти хIянчи ахирличи дикили сари. Илди дурадеркIибтири мерличибти адамтани шила Советла администрацияла икьайчил.
Заядиубти гьундурала бутIни бетонни дуциб. Шилизирти шуртIри къулайдирахъниличи дяхIчиаибти шантала къайгъни халати сари.
Сергокъалала районна бекI Арсен МяхIям­мадовли хIукуматла вакилтала ва шантала бархси бузерила хIясилти чихъли кьиматладариб. Ил­кьяйдали уржили бузухIели, шимала мер-муса гьаладяхI дашахъес ва мерличирти масъулти гьунчидикахъес имканбикIниличила цIакьбарили буриб.