ДГУ-ли нешла мез руркънила ва ахIе­радирнила шайчибси бузери (профо­риен­тация)гьарза-бягIубирули саби.
Дагъиста Пачалихъла Университетли Дагъиста мезаназиб ва литературализиб бузес дигутас санигIятла багьудлуми кайсахънила шайчибси бузери цIакьбарили саби. Иличила багьахъур августла 25-личиб бетерхурси ДР-ла педагогунала Августла совещаниела дазурбазиб дураберкIибси «Нешла мезла ва литературала» секцияла заседаниеличиб.
Ила цалабикилри нешла мезла ва литературала мугIяллимти, гIялимти, методистуни, филология чула санигIятли бетаурти адамти. БегIлара чеббикIибси масъалали бетаур, санигIятлизиб бузути адамти хIядурбарни, чулара республикала да­хъал мезаназиб бузули, мез ахIерадарес ва гьаладяхI ардукес багьудлуми лерти.
«ДГУ-лизиб Россияла халкьла неш­ла мезла ва литературала шайчибти специалистуни хIядурбирни» бикIуси докладличил гъайухъун, филологияла гIилмуртала доктор, профессор, ДГУ-ла Дагъиста мезанала кафедрала заведующий М.Р.БяхIяммадов.
«ИшбархIи дунъяличир лерти декIар-декIарти мезани дахъал къиян­дешуначи дяхIигули сари. Дунъяличир лерти 7 азирцад мез­­­лизирад чумал даршалдехI мезцун багьуди бедлугнилизир, ул­ка­ла гIямрулизир, лугIурбала дунъялизир тIинтIли дузахъули сари. ГIя­­лим­тани бурни хIясибли, азирти мезани детихънила урехи­ли­зир са­ри.
Ил шайчиб Дагъистан хасси мерличиб саби, дунъяличиб гIур илгъуна цархIил агарси, сунезир дахъал мезани лерси регион. Ишар декIар-декIарти мезанала хъалибаргуназирадти, кьукьназирадти мез цалис-ца унраличир сари. Дахъалгъунтала белкIла ва литературала мезра лер.
Республикализир 14-дехI белкI­ла дегI­ти пачалихъла мез ду­за­хъу­­ли сари. Илди мезличил жузи, гIилмула ва багьудила ­ли­­те­ра­ту­ра, газетаби ва жур­налти дурадулхъули сари, СМИ-би, театр­ти, ба­гьуди бедлугути учреждениеби дузули сари», — викIи М.Бя­хIя­м­ма­дов.
Илини декIарли пикри бяхIчиаиб нешла мез дяркъес хьулбикIути школала бучIантас акIахъубти имкантачи. ДГУ-лизиб гьанна чумал дус школала бучIантас хас­барибси ­Федералласи олимпиадала Россияла халкь­ла нешла мезла ва ли­­­тературала: кIарахъала, дар­­гала, къумукъла, булугуна­ла, лезгибала, табасаранна ме­­занала ахирласи балбуц ду­­­ра­­буркIули саби.
Олимпиада дурабер­кIили гIергъи авал дусла бухI­наб бучIес кабур­ху­хIели, чедибикибтас — 7 балл, гьаларти мерани сархибтас —5 балл, бу­тIа­кьянчибас — 3 балл чеим­цIадирути сари.
«Филология: ВатIа фи­ло­­логия»-ла факультетлизи кабурхухIели имтихIян хIе­де­дили каберхес ихтияр леб, эгер урус мезла ЕГЭ-ла баллани 75-личирра им­цIа­ли диалли.
Филологияла факультет­ла урусла-дагъиста отде­ле­­ние­лизи учIес керхес ба­гьан­­дан, урус мезла ва литера­турала ЕГЭ-ла кьи­ма­туни ди­ахъес гIягI­­нити сари. Илала ду­ра­бад­­­ра чеимцIали им­ти­хIян ду­­ра­буркIуси саби – неш­ла мез­ла тест-диктантла жу­ра­­ли­­чиб.
Студентуни гIеббурцути чеим­цIати далдуцунира лерти сари. ГIя­лимтала советли кьабулбарили урус­ла-дагъиста отделениела сту­­­дентунас чеимцIаси стипендия бедлугуси саби. Да­гъиста ме­за­нала факультетлизиб бучIути студентунас матъал респуб­ли­ка­ла мезаначир дурадулхъути газетабира журналтира дед­лугути сари.
Секцияла бузерила ахирличиб Дагъиста школабазир гьаннала за­манала технологияби дузескайъни даимбарес, чебяхIси да­ра­жа­ла багьудилара, школала практикалара ургабси бархбас гьар­за­барес, теорияра практикара имцIали дархдасахъес ибси пик­ри кьа­бул­бариб.
Ахирличиб Муса БяхIям­ма­довли педагогунала гIяхI­цад суалтас жавабти дедиб, нешла мезла мугIял­лимла санигIятла багьудлуми касахъес акIубти имкантачила илдази чебетаахъили аргъахъиб.­