2026 ибил дусла сентябрьла 28-личив 91 ибил дусличив гIямрулизивад шалгIевухъун Кьурбанов МяхIяммад Рабазанович — Дагъистан Республикала пачалихъла ва жамигIятла хIяракатчи, «Народы Дагестана» жамигIятла-политикала журналла гьалавла бекI редактор.
МяхIяммад Рабазанович акIубси сай Дахадаевла районна Кьункьила шилизив 1935 ибил дусла декабрьла 19-личив.
Илини 1949–1951-ибти дус­ма­зив Дер­бентла педучилище белчIунсири. Илис гIергъи Да­ха­даевла районна Меусишала шилизив мугIяллимли узес ве­хIи­хьиб­си­ри.
МяхIяммад Кьурбанов Кьункьила шилизив цаибил гIялим сайри.
1952–1954-ибти дусмазив Дахадаевла РК ВЛКСМ-ла сек­ретарьли узули калунсири.
1954–1957-ибти дусмазиб гIярмиялизиб къуллукъбарибсири. 1956 ибил дуслизир Венгриялизир кадикибти дявила анцIбукьуназир бутIакьяндеш дарибтири.
1957–1962-ибти дусмазив Дагъиста пачалихъла университетлизив филологияла факультет таманбарибсири.
1967–1970-ибти дусмазиб, Москвализиб аспирантура бел­чIи, диссертация бетерхахъурли гIергъи Дагъиста меди­ци­нала институтлизив философияла преподавательли узули калунсири.
1973 ибил дуслизив Кьункьила шилизи чариубсири ва 1978­ ибил дусличи бикайчи шила школализив директорли узули ка­лун­сири.
1978 ибил дуслизив Кьункьила шила советла предсе­да­тель­ли узахъес катурсири.
1992 ибил дуслизив ДР-ла миллатунала политикала, багьахънибала ва дуралати бархбасунала шайчивси министрла заместительли узес вехIихьибсири.
1999 ибил дуслизив «Народы Дагестана» жамигIятла-политикала журналла бекI редакторли викIибсири. Илав 2020-ибил дусличи бикайчи узули калунсири.
Кьурбанов МяхIяммад Рабазанович гIилмула шайчирти жузала ва философияла, тарихла ва динна масъулти ахъдурцути макьалабала автор сай.
Шабагъатуни: Гьалмагъдешла орден, ДАССР-ла Верховный Советла Президиумла, КПСС-ла Обкомла шайзирадти ХIурматла Грамотаби ва дахъал медальти.
«Дагъистан Республикала пачалихъла къуллукъла хIурматла хIянчизар» ибси у сархибси сай.
МяхIяммад Рабаза­новичла хъалибарглизи, гъамтази ва юлдашунази пашмандеш балахъулра, хIушала гIямру арати ва духъянти диаб.