«Манас – Сергокъала – Первомайское» бикIуси хан гьунчир бекIлидиубти хIянчи ахирличи дикахъили сари. Илди дурадеркIибти сари «Инфраструктура гIямрулис» бикIуси миллатла проектла дазурбазир.
Гьанна ил гьуни бузахъес хIядурли саби: ургабад тугъ барили саби, лишантала тIулри, гьалабизунала хIяруби кадилзахъули сари.
Хан гьуни республикалис дебали мягIничебси саби. Илини хIябал район – Сергокъалала, Къаякентла ва Лавашала – МяхIячкъалаличил ва Избербашличил цаладирхъули сари. Илкьяйдали илавад Федерацияла кьадрила Р-217 «Кавказ» хан гьуниличира дураухъес вирар. Сагабарибси гьунили адамти бет-садбашнилис къулайдешуни алкIахъа.