Сергокъалала районна Кичи-ХIямрила шилизиб ишхIелла тIалабуначи балбикибси футболла майдан алкIахънила хIянчи детурхули сари.
Илди дурадуркIули сари ДР-ла «Спортла объектуни лушнила ва къулайдирнила шайчибси дирекция» ГКУ-ли. Проект гIямрулизиб бетурхахъули бузули саби «Капитал» ООО-ла организация.
Шантас къулайси, урехиагарси спортла майдан акIахънили мягIничебси анцIбукьли бетарар. Илаб чеалкIуси наслулис, физическая культурализи ва спортлизи ахъили, замана хайриличил беркIес имканбикIур. Белгиси майдан мерличибти адамтани арати гIямру дуркIнила бетуц гьалабяхI башахъес гьаликIлира бетарар.