Халкьла сиптаби гIердуцес ибси мурадличил ДР-ла БекIли гьаладирхьути грантанала шайчибси хасси советли 2026 ибил дуслизиб бегIла гьалаб дураберкIибси конкурсла баянти каиб. Иличир коммерцияла ахIенти организациябала 44 проектли чедибдеш сархиб. Илди проектуни гIямрулизир детерхахъес 71,66 миллион къуруш декIардирути сари.
Ил конкурс­лизиб чедибдеш сар­хиб­тала лу­­гIи­­ли­зи ка­рер­хур хай­­дакьла някьиш­ла шай­чир­си Рос­сияла ва Дагъиста хал­кьла ус­­та Зу­бай­дат ХIя­са­­но­­вара. Илини кон­курсличи «Куль­ту­рала код. Хайдакь: Да­­гъиста биш­тIа­си мил­латла мез ва культура мяхI­­­кам­дарни» би­­кIу­си уста­ха­нала (арт-мас­терс­кая) проект гьа­ла­­би­­хьиб­­сири.
З.ХIясановани гьанна 15-йнайс грант сархили сари.
«Мез ва культура — халкьла культурала бекI­ли­биуб­си код саби. Хайдакьла някьиш ва нешла мез хайдакьлантала культурала давлала мягIничебси бу­тIали детаурли сари», — буриб З.ХIясановани.
Илала командали чумал дус бируси хIянчи даимбарахъес икьалабиру сагаси проектли. Гран­танала кумекличибли районна культурала уч­реждениебазиб ва 15 школализиб арт-майдунти дузесаиб, чузибра дурхIни ва жагьилти хайдакьла някьишличил тянишбирути.
Сагаси проектла дазурбазир 7-личибад 17 дус­­­­личи бикайчити гIямрула 4200 дурхIялис арт-май­дун­тачир Хайдакьла тарихлис, мезлис, куль­ту­ралис ва гIядатунас хасдарибти далдуцуни дура­дур­кIу. «Наслубала мургьила гьимир» бикIуси авид­ла дазурбазир жявхIелила санигIятунала шай­­чирти устадешла дурсри дурадеркIес пик­ри­­барили са­би. Жагьилти адамтас «Модный эт­нос­тиль» би­кIу­си сту­дияра ибхьу. Илала дурабад, проектла бу­тIа­кьян­чи­бани, фольклор бучес ибси му­радличил, районна шимази архIяби дурадуркIу. Хайдакьла халкьла мухI­лила пагьму социаль­ные се­таназиб баргес ви­рар. «Хала неш Периха ха­бурти» бикIуси жуз урусла ва хайдакьла меза­на­чил дураъниличибли, ил­кьяйдали «Сагаси наслу» би­­­кIуси фестиваль дураберкIниличиблира проект ахир­­­личи биркахъу.
Проект гIямрулизиб бетурхахъути дусмазиб Зу­бай­дат ХIясановас ва илала командалис хай­дакьла някьишличил тянишбирутала мява гIяхIцадла бя­гIубарес имканбакIиб. Устнани 100-личирра им­цIали урхIмешуахIенти някьиш акIахъуб.
Хайдакьла устнала хIянчурби Дагъистайзир ва Россияла регионтазир дурадуркIути выставкабачир, илкьяйдали дурала улкназир детурхути халкьани-ургарти фестивальтачирра чуйнара гьаладихьиб­тири.
«Культурала код. Хайдакь» бикIуси проектли мез, гIядатуни ва гьаларла санигIятуни мяхIкамдирнила хIекьлизибси хIянчи даимбарили бирар.