Нуни балулра висес дигесли кьутIкьули саби нуша дучIахъули калунти мугIяллимти гIямрулизибад аркьухIели. Багьла-багьлали илди арбашули, уркIилизиб камсигъуна бацIдеш кавлули саби. ИлдикIун нушаб мугIяллимтицун ахIенри, нушала дурхIядешла бутIа сабри, илдани дурсрицун руркъяхъути ахIенри, урус мезличира, нушала Дагъиста авцIали миллатла адамтачил ихтилатдикIахъесра бурсидирутири.
Нушала тарихлизир урус мез «умхьули» детаур нуша гIяхIсиличи, бархьсиличи бурсидирути.
1960-1968-ибти дус­мазир ну ручIахъули ка­лунти Устани ва МяхIяммад ГIяб­дулхали­кьов­хъали, БяхI­муд ШяхI­банов – илини наб 1960 ибил дуслизир цаибил клас­­слизир дурсри кадирхьутири, ГIяхIмад Кьурбанов – дила клас­сла руководитель, дила узикьар Халипа ва Хадижат ХIусей­нова­хъали, Байрам МяхIяммадов, Айсиру Рабазанова, Рабазан Идрисов.
Ишди бурхIназив итил дунъяличи арякьун МяхIяммад Ра­ба­занович Кьурбанов – ну ручIухIели ил школала директор сайри – пачалихъла къуллукъунала хIурматла хIянчизар, философияла гIилмуртала кандидат, «Народы Дагестана» журналла бекI редактор, нушала шиличила дахъал гIяхIти дугьби дурибси, дахъал жузи делкIунси адам.
Дунъя илкьяйда бузуси саби, нушала гIямрура илдигъунти дургар, бехъес гьамадси, хъабхъси иш жагаси дунъяличир.
Нуни уркIи-уркIилабад пашмандеш балахъулра Кьадикьурбановхъала халаси хъалибарглизи, МяхIяммад Раба­за­новичличила шалати гьанбикунани кумекбараб хIушала децI чекасахъес.
Илала бунагь-хатIаличивад Аллагь чевверхаб. Хъалибарглис баракат гIелаб калаб.
Илисра лебилра дила мугIяллимтасра Гьалжана кьадарбараб.

ГIяшура Кьурбанова