Ишди бурхIназир Дар­гала Пачалихъла му­зыкала-драмала театрлизир декIар-декIарти спектакльти гьаладирхьули са­ри. Набра имканбакIиб ил­­дазирад цаличи рукьес. Бар­хIехъла манзиллизиб театрла юртла гьалаб адамти цалабикилри. Илди цализи ца разили ихтилатбикIулри.

Нуни сагабарибси театр чебаибси ахIенри, амма жагабарибси, къугъали балкьаахъурси Юртличи, ил-алавти мер-мусаличи хIерикIес иш­тяхI­­духъеслири. Замана баиб­хIе­ли, цалабикибти адамти театрла заллизи абацIахъиб. Гьан­­­нала аги-кьяйда хIисаб­ли­зи касили, адамти-ургаб мер батурли сабри кабира­хъу­ти. Кайэс асухIебирути крес­лоби хIунтIена чялличил дигьи­ри. ХIербикIутас Д.Ху­дай­­­бердыевла «Караматчи» би­­­кIуси сценка чебаахъиб. Ил ка­­бихьибси режиссер, Рос­сия­ла­ урибси гIяртист Нариман ГIя­­­лиев сай. Заллизиб лехI­деш че­бихьун, ва сценаличи даргала театрла гIяртистуни ду­рабухъу­н. Мурталраван, ус­та­дешличил ролани дузахъул­ри: Мансур­ла – Дагъистанна урибси гIяр­тист ГIябдулла Риз­вановли, Салимла — Дагъис­тан­на урибси гIяртист Мухтар НухIовли, Умайжатла — Дагъистанна рурибси гIяртистка Рашидат ИсмягIиловани, Абу­хIя­­сан­на — Дагъистанна урибси гIяртист — МяхIяммад-Шамил Ша­миловли, Аюбла — дарга­ла театрла гIяртист Ислам ХIя­са­новли, МяхIмудла — даргала театрла гIяртист Казбек ГIя­лиевли. КъантI-къантIли спек­такльла бу­хI­набуц гьала­бирхьулра. Палтарла уста Ман­сур тамяхIкарси ва арцли хIе­­релкъунси хьунул Умайжат­ла, юлдаш ва хьуна узи Са­­лимла гъайличивли сунес хIей­гукъира, караматчи – палчи ветарули сай. Ил малхIямси, багьласи адам секьяйдали вар­сирули? Илини я хьунул, я юл­даш мучлабирули ахIен. Арц­ла тIем багьурхIели ил, халаурхуси, уктемси хIярамзадачи шурулхъули сай. Амма ахирличив биалли, ил дебали пашманирули сай, сунени ил санигIят чеб­бикI­­ниличи. Ил караматчила гIер­ди­рули дурути къунбан­и гIям­рулизивад улхъахъули, хIил­хIи ка­ли сай. Спектакль де­бали мурхьси мягIна бухI­на­­буцибси, жагьилтас багалабиэси, илди пикрибухъахъеси саби. Илаб гьаннала замана дебали бахъал къунбартира, къалпла палчибира лебниличила иргъахъули саби. Илдала ахир сегъунсили бетарусил гIеб­бурули саби. Амма илгъуна санигIят чеббиркIухIели, адамлис дебали пикриухъес че­­­биркур. Халкь биргIябургули, гьа­чам-кIина гьарбилзули-хьал­­ли, ахирличиб вегIлис се бетарарал чилилра багьес кьал­­ли хIейрар. Ил адамтас гIякь­лу гIеббуруси спектакль са­­­би. Ахирличи бикибхIели, хIер­бикIути вяхли дяхъибти хъутрачил абизур. Илар ну камси манзиллис лерил секIал хъумартурсиван риубра. Залли­зи кабиибти дукелцIилизи гIе­ла­би­килри.
Дахъ жагали, каргьурти литературный мезличил, адамл­а хIяздухъесли гъайбикIулригу гIяртистунира. Илаб зама­на­ра хъярхъли шалгIеббухъун. Спектакль таманбиубли­ ду­ра­рухъунхIели, театрличи бакIибтазирадси ца — Сания­т ри­кIи: «Гьар-ур ну иша ракIибси ахIенри, амма ракIниличи пашманхIериубра. ГIурхIели дила гъамтира набчил лебкис». Ахъси гьавличил ну хъули чаррухъунра, илкьяйда бурги цархIилти ила бакIибтира.