ГIяхIгъабзала ВатIан — лебилра дунъя (халкьла бурала)

Мирзаев МяхIяммад Рабаза­но­вич акIубси сай 1990 ибил дус­ла августла 5-личив Сер­го­къа­ла­ла районна УбяхI МулебкIила шила ад­ми­нис­тра­циялизи кабурхуси Бур­хIи­ма­хьи­ли­зив.
1997-2009-ибти дусмазив БурхIима­хьи­ла урга даражала школализив учIули калун. 2010-2011-ибти дусмазив Челя­бинская областьла Чебокуль бикIуси шагьарлизиб танкабала гIяс­кар­лизиб ВатIайс къуллукъбариб.
ГIярмиялизивад чарухъи гIергъи, Мя­хIяммадли Дагъиста пачалихъла университетла физкультурный факультет белчIун. Камси замана санигIят хIясибли хIянчи барили гIергъи, М.Мирзаев хъулри лушнила кьялилизив узули калун, мурталра сунела неш-дудешлис хъулирти хIянчи дирули кумеквикIи.
2022 ибил дусличивад МяхIяммад Мирзаев дявила хасси балбуцла бу­тIакьянчи сай. Ил «Курскла область балтахъан» бикIуси медальличил шабагъатлаварибси сай.
Хъайчикайибси сай, кIел дурхIяра леб.
УркIилизиб халаси яхIличил, рухIлашалси дебадешличил, някълизиб ярагъличил, гъабзадешличил ургъули сай МяхIяммад Мирзаев. Илала пикруми дахъал лер: душманти тIутIубарили, адамтас паргъатдеш калахъес, шаласи челябкьла биахъес ва сунела кулпетличи ара-сагъли чарухъес.
Нушала МяхIяммадра ва илала юлдашунира арали, разили, Чедибдешра сархили жяв-жявли хъули чарбухъаб!

Зугьра ГIямарова