Кьабтиев ГIябдулжалил ХIусенович акIубси сай Дербент шагьарлизив 1974 ибил дуслизив. ГIябдулжалилла бегIти Ахъушала районна Цугнила шилизибадти саби, сабира дахъал дусми гьалаб Дербент шагьарлизи хIербиэс гечбиубти.
2025 ибил дусла апрельла 29-личиб ГIябдулжалил ХIусеновичли сай-гIяхIъулали вягIда бигьи, дявила хасси балбуцлизир бутIакьяндеш дарес арякьунсири.
СВО-лизир гъабзадешличил ургъули, сунечил барх бургъантачил варх, къиянти дявила хъарбаркьуни детурхахъули, ВатIа ва халкьла челябкьла багьандан, нушала пачалихълизиб даршудеш биахъес сунела жан ахIерахIедарили алхун.
ГIябдулжалил гIямрулизивад арякьун 2025 ибил дусла август базличив, 51 дусла гIямруличив.
ГIябдулжалил халаваибсири халаси хъалибарглизив. Илала бегIтани дурхIни абикьес халаси къайгъи бариб, илдас бяркъ бедили, гIямрула гьунчи дураиб.
ГIябдулжалил Кьабтиевла лер гIямрула рархкья ва виштIаси дурхIя.
Аллагьли Гьалжанала агьлула вараб ГIябдулжалилра ва, илкьяйдали, ВатIайс къуллукъбирули чула гIямру ахIерахIедарили, дявила авлахъличиб алхунти гIяхIгъабза бургъантира.
Жяв-жявли нушала пачалихъли чедибдешра сархили ил хасси балбуцра ахирличи бикили, лебилра бургъанти чула бегIтачи, гъамтачи, дурхIначи чарбухъес кьадарбиаб!
С.ГIябдуллаева
