Сергокъалала районна бекI Арсен МяхIяммадов гражданинна чеблала ва гъабзадешла гьарли-марси гIибратли ветаурси, дявила хасси балбуцла бутIакьянчи, ГIяялизимахьила бекIли узули калунси ГIумар ГIумаровличил гьуниваиб.
Сунела хIянчи батурли, ГIумар ГIумаровли сай гIяхIъулали дявила хасси балбуц бетурхуси мер-мусаличи арукьес пикрибарибсири.
Гьунибаънила дазурбазиб Арсен ГIялишейховичли ургъанни бируси къуллукъличила, хъалибаргла хIяжатдешуначила суалти хьардаиб.
Ахирличиб районна бекIли, гIядатли бетаурливан, ГIумар ГIумаровлис савгъат пешкешбариб ва лебил районна халкьла шайчибад, къуллукъуни гъабзадешличил детурхахънилис баркалла багьахъур.
«Илдигъунти гIяхIгъубзни — Сергокъалала ванзала хъарихъ ва пахру саби. ГIумарлис чIумаси арадеш ва цIакьани дулгулра. Жяв-жявли хъули чарухъаби»
Сергокъалала районна багьахънибала центр
