Маллаева Сабият Муслимовна ручIули сари Ахъушала урга даражала цаибил школала 6-ибил класслизир.
Сабият дебали пагьмучерси, жагали суратуни дируси, гIяхIти кьиматуначил ручIуси рурси сари. Илини жура-журала конкурсуназир бутIакьяндеш диру ва мурталра гьаларти мерани дурцу.
КIиибил класслизир ручIухIелил районна бухIнаб бетурхуси республикала кьадрила «ЧебяхIси Чедибдешла букьурти» бикIуси, ЧебяхIси Чедибдеш 77 дус биънилис багъишлабарибси конкурслизир жигарла бутIакьяндеш дарили, гьалабси мер касиб. «Нарисуй защитника Отечества» бикIуси лебил Россияла кьадрила мерличибси (муниципальный) конкурслизибра чедибдеш сархиб. Илдигъунти сархибдешуни багьандан, Сабият «Ахъушала район» МО-ла багьудила управлениела шайзирад Грамотабачил шабагъатларариб.
Лебил Россияла «Любимая школа глазами детей» бикIуси конкурслизиб Сабиятли цаибил мер сархиб «Мой любимый учитель» бикIуси номинациялизиб. «Любимая учительница» бикIуси сурат барнилис «Ника» бикIуси багьудила порталла шайзирад Сертификатличи, Дипломличи, ДР-ла багьудила ва гIилмуртала Министерствола шайзирад Дипломличи лайикьрикиб.
Конкурсуначиб чедибдеш сархни багьандан, гIяхIти кьиматуначил багьуди даимбирнилис ва жамигIятла хIяракатлизир жигарла бутIакьяндеш дирнилис Сабият Маллаева Дагъистан Республикала багьудила ва гIилмуртала Министерствола шайзирад министр ЯхIъя Бучаевли Дипломличил, Баркаллала кагъарличил шабагъатларариб.
4-ибил класслизир ручIухIели сурат бирнила шайчиб бетурхуси «Сказки, мифы и легенды Дагестана» бикIуси телевидениела фестивальлизир бутIакьяндеш дарни багьандан Сабият «Ахъушала район» МО-ла жагьилтала политикала ва спортла управлениела шайзирад Дипломличил шабагъатларарибсири.
Ил ручIули сари школала ИЗО-ла дурсри кадирхьули рузуси пагьмучерси, дахъал конкурсуназир бутIакьяндеш дируси учительница Лейла Кьурбановала бекIдешлиур. Рурсила пагьму имцIабиахъес, конкурсуначи хIядурдеш бирахъес Лейла Кьадиевнани халаси къайгъи бирули сари. Лейла Кьурбановани декIар-декIарти тяхIяр-кьяйда гIердурцули сари, сунени кабирхьуси дарс илдас хIяздухъесили биахъес багьандан.
Сабиятла багьудилизир сархибдешуни гьатIира имцIадикIаб ва цархIилтас гIибратлира ретааб!
C.ГIябдуллаева
