Ахъушала ­район­ни­­зир халкьла гьав ахъ­бу­­­­циб­ти ва илдас ра­зи­­деш хибти хъубяхIрумала бай­­румти ду­ра­деркIиб. ХIебла цаэсти бурхI­на­зиб ил байрам ду­ра­буркIни жяв­хIел­ла гIядат са­би. Цаэсил гъаршла бай­рам да­луйтачил ва делхъличил Уси­­шала, ХIямшимала ши­мазиб ха­ласи ра­зи­дешличил бетерхур. Ил­ди шимазиб хIер­бирути адам­­тас ва дурхI­нас халаси ра­­­зи­­деш­личилти хъу­бяхIруми де­таур. Хъу­бяхIрумала бай­рам че­баэс бахъал ду­ра­бадти гIяхI­­ли­ра бакIилри, шилизиб хIер­би­­­­ру­ти халкь илдасра разили гьу­ни­баиб.
Хъубзарли урчи бабгили, хъучибад цаэсил гъарш каиб, баракатла дус бетаахъес балгара барили.
Илкьяйдали декIар-де­кIар­ти абзани-хIязанира ду­ра­дер­кIиб. Хъу­бяхI­румала бай­рам­ли­чир мил­ла­­тунала бизити хуре­гуначил са­­ха­ватли даршибти кьу­мурти хIя­дур­да­рилри. Биш­тIатасра муридешуни ва савгъатуни ду­тIили, разибариб. ГIяхIлас лебтасалра дигутили де­­таурти тарумла кьуцIри гьаладихьиб ва мурталраван дал­кьа­ахъурли, илар гьарушра лерри.
Гьар шила хъубяхIрумас хас­­­да­рибти ва дузахъути ­да­­­хъал жура-журала гIядатуни лер­­ти сари. Илди масхуртачил, ра­­­­зи­дешличил детурхахъули ди­рар.
ХъубяхIрумала байрам бетер­хахъес багьандан къай­гъи­бариб шимала админист­р­а­ция­бала бургани, илдала замес­ти­тель­тани, культурала уп­рав­­лениела ва цар­хIилтира жа­вабла хIян­­чи­зар­тани.
ХIямшимала шилизиб бе­тер­­хурси байрамличир ил ши­ли­зибадти «ДР-ла урибси культурала хIян­чизар» ибси уличи лайикь­бикибти, да­хъал конкурсуназир, фестивальтазир бу­тIа­кьян­деш дирути, пагьмучебти, культурала хIян­чи­зарти Пирдаус ХIя­жи­мяхIяммадовани ва Кум­сият ГIяхI­мадовани жагати далуйти зайду­хъа­хъи, учибикибти халкьлис разидеш хиб.
ГIуррара илдигъунти разити байрумти дурадуркIахъес ахърира цIакьра габ нушала халкьлис! Лебтасалра баракатчерти, разити гIямру дулгулра!

С.ГIябдуллаева