Гьалабван Мя­хIяч­къалала Р.ХIям­за­товла ули­чил­си школала 3-ибил клас­с­ла бу­­чIанти нушачи гIяхIладли ба­кIиб. Ре­дак­­­цияла хIянчизар­та­­чил ва бу­­зе­риличил ил­ди тя­ниш­ба­рес ну­шабра имкан­ба­кIиб. ДурхI­­нас дебали тама­ша­­бизур газета учибирхънила хIянчи .
Редакциялизиб школала бучIанти-ургаб назмуртала конкурс бетерхур. ДурхIнани даргала литературализирад­ти ва фольклорлизирадти наз­мурти уркIиличир дуриб. Жагали назму бурибти бу­чIанти газетала бекI редактор ИсмягIилов ГIябдуряхIман Мя­хIяммадрасуловичли грамотабачил шабагъатлабариб. Газетала шайзирад жузи ва журналти дурхIнас савгъатдариб.
БучIанти редакциялизи кабукиб илдала классла руководительница Магьдилова Зумруд Абасовнани. Ил мугIяллим нуни бегI гьалар сарри чераибси, амма ил санигIятличи дебали дигичерси хIянчизар сарни багьурра. З.Магьдиловала халаси къайгъи лебри дурхIнази секIал гIебасахъес. Илдала пагьмурти гьаргдарахъес Зумруд Абасовнани халаси хIянчи дурабуркIулри. Респуб­ликализир детурхути жура-журала абзаначир ва конкурсуначир мугIяллимли жигарла бутIакьяндеш дирулри. Гьарил балбуцличи илини бучIанти жагали хIядурбиру. Илис бикьрили детаур дурхIнала шабагъатуни. БиштIатасра чула мугIяллим цIакьли ригахъулри. ЧатIниван кабизурли, мугIяллимли бурибси гьарил гъай илдани итмаданал гIебисулри. Нушани мурталра бурули дирехIе, мугIяллимла хIянчи дебали къиянси саби или. СенахIенну, гьарил мугIял­лимли дурхIнала диги ва хIурмат сархес вируси ахIен. Ил­дигъунти гьарли-марти ба­хъал хIебирар. ХIера, илди­гъун­тазирад ца сари дикIес ди­рехIе Зумруд Абасовнасра.
«ХIушала редакциялизир детурхути конкурсуначир нушани халаси иштяхIличил бутIакьяндеш дирехIе. Нушани гьанна бархбас бузахъехIе ва детурхути лерилра далдуцунала шайчирти баянти далес къайгъибирехIе», — рикIи ил.
Челябкьлализирра илдас нушани гьарбизуни дулгехIе.

ПатIимат Шахова