МяхIячкъала шагьарла Жагьилтала парламентла председатель ГIялигъалбицI ХIусейнов:
«БусягIятла замана терроризмаличил бархбасунси урехиласи гьир жамигIятла гьалаб чебиухIели, нушаб ВатIайчи дигиличила ва миллатла цадешличила гъайдикIес гIягIнили саби. Иш дус хасси дус саби, сенахIенну нушани ЧебяхIси ВатIа дергълизиб Чедибдеш сархибхIейчирад 80 дус дикнила юбилей дурабуркIуси саби. Ил анцIбукь нушала халкьла гьанбикуназиб чебяхIси гьунарла ва дебадешла лишан сабливан мурталра кавлан.
Ишаб гьанбушес дигахъаси дила хала дудешла дудеш Ибрагьим Сулайбановличила, суненира ил кьяркьси дергълизир бутIакьяндеш дарибси ва дявила къуллукъуни багьандан Ленинна орденничил шабагъатлаварибси. Илала гъабзадешла ва бархьдеш чедибиркниличи кагибси бирхаудила мисалли нушала ВатIан батахъес гIягIнили биъниличила иргъахъули саби. Гьайгьайрагу, хала дудешунани бургъули сархибси паргъатдеш калахъес багьандан нушани дирусигъуна биресра чебиркур.
Терроризмалис къаршидеш дирнила хIяракат ункъли бетурхуси саби пачалихъла ва гIядлу-зегъа далтахъути органтала цIакьаначилцунра ахIи, гьарил адамла жавабкардешла хьулчиличибра. Жагьилтала наслулизир ВатIайчи диги ва тарихла хIурматбирнила хIялани адилкьули урехилис, гуж-зулмулис къаршидеш дарес дирехIе.
МяхIячкъалала Жагьилтала парламентли экстремизмалис къаршидеш дирниличи ва патриот бяркъ бедлугниличи дяхIчиаибти программабала чебкад жигарчебли бузули саби. Масала, гьалабван нуни гьаладихьибти савгъатуначи дила хала дудешла дудеш гьаниркахънилис хасдарибти гIулухъаби-ургарти мушулбашнила шайчирти абзани дурадеркIибтири.
Вирхулра, нушала тарихла хIурмат-кьимат дални, хала бегIтала гьунартачи пахрубирни – нушала жамигIятлизиб даршудеш, балгундеш калахъес кумекли детарути далилти диъниличи».
