Сергокъалала районна Кичи-ХIямрила ши­ли­зивадси СВО-ла бутIакьянчи, бригадала ко­ман­дир Замир ХIясанов районнизи гьав­вакIиб.
ДекIар-декIарти далдуцунас гIергъи, Замир ХIя­санов Сергокъалала районнизир бекIлидиубти, хъум­хIертести мераначил тянишвиуб ва СВО-лизив ал­хунси ГIяхIмадбек ГIяхIмадбековлис хасбарибси хъум­хIертнила уркьули ибхьуси балбуцлизир бу­тIа­кьян­деш дариб. Илкьяйдали «Олимпийский» парклизибси СВО-лизиб алхунти бутIакьянчибас хасбарили убатурси хъумхIертнила анхълизира ваиб. Замир ХIясановли илдигъунти мер-мусаличи, далдуцуначи вашни, гьанбикунала унхъри удалтни жагьилтази тарихличила хъумхIертахъес ва иличи пахрубирахъес дебали мягIничебси саби или буриб. Илала пикрира дебали гIяхIси саби ва цархIилтанира гIеббуцеси саби, сенахIенну илдигъунти мер-муса лерли диалли, жагьилтани ва чеалкIуси наслули миллатла тарихличила хъумхIерту.
Бурес чебиркур, иличил барх Мяммаулла администрациялизибра отпускличи хъули вакIибси СВО-ла бутIакьянчи Идрис Идрисовличилра гьунибаъни бетерхур. Ургъанничил Сергокъалала бекIла заместитель Баркакьади Мажидовра, чедив гьанушибси СВО-ла бутIакьянчи, бригадала командир Замир ХIясановра, дявила комиссар Шамил Чупалаевра, халатала Советла ва дергъла бутIакьянчибала председатель МяхIяммадсалам МяхIяммадовра къаршибикиб.
Илдани Идрис Идрисовлис ВатIан балтахънила баркьудилизир чедиахъути урехиагардешлис ва гъабзадешлис баркалла багьахъур. Илдигъунти асилти ва игитлати баркьудлумачилти жагьилти лебхIели саби нушала ВатIанра душмантазибад мяхIкамбарес вируси. Цалабикибтани дявила хасси балбуц жяв-жявли ахирличи бикахъили, нушала гIяхIгъубзни чедибдешличил чула хъалибаргуначи чарбухъи дигни багьахъур.

Сергокъалала районна багьахънибала центр