Маммаев Камил МяхIяммадович Дахадаевла районна Кьялкнила шилизивадси багьадур урши сай. Илини Украинализиб бетурхуси хасси балбуцлизир бутIакьяндеш дирули, игитти баркьудлуми чедиахъули сай. Ил багьандан ил «Дагъиста халкьла игит» ибси мургьила зубариличил шабагъатлаварили сай.

Камил Советский Союзла маршал К.К.Рокоссовскийла уличилси Дальневосточный чебяхIси даражала общевойсковое командное училищела выпускник сай. Илав «Применение мотострелковых подразделений» ибси санигIятличи вегIиубси сай.

Дубурлан уршилис илар касибти багьудлуми гIярмиялизиб къуллукъбирухIели багаладиуб.

Училище таманаили гIергъи, К.Маммаев 74 ибил отдельный мотострелковый бригадализи вархьибсири. Илар иличи мотострелковый взводла  командирла къуллукъуни хъардарибтири.

2023 ибил дусла июньничив ил Украинала мер-мусаличир детурхути дявила анцIбукьуназир бутIакьяндеш дарахъес вархьибсири. Илав гьарли-марси ВатIан балтахъан ва гьавкьяна сайливан чеваахъиб илини сай. Ил дусла июльличив Камил декIли вяхъибсири, амма урши уркIиагархIейуб. СагъкайубхIели Камил МяхIяммадович сагали дергъла майдайчи чариуб. Илар гъабзадеш дакIударни багьандан К.Маммаев «Гъабзадеш багьандан» бикIуси медальличира лайикьикиб.

БусягIятла манзиллизирра Камил Маммаевли СВО-лизир бутIакьяндеш дирули сай. Ил батальонна командирла заместитель сай. Ил багьадурла гъабзадешла баркьудлумани цархIилти бургъантира уркIичеббирахъули саби ва чеалкIуси наслулис мисалли ветарули сай.

Камил ва лебилра Россияла бургъанти чедибдешра сархили, ара-сагъли чула бегIтачи ва гъамтачи чарбухъаб.

Дахадаевла районна администрацияла пресс-служба