Лавашала районна администрациялизиб муниципалитетла бекIла кумекчи Ислам МяхIяммадовла Кьакьамахьилизивадси дявила хасси балбуцла бутIакьянчи Ризван ГIялиевич МяхIяммадовличил гьунибаъни бетерхур.

Ризван ириъ май базличиб вягIда бигьи, СВО-ла мер-мусаличи вякьунсири ва илхIейчивад ВатIан балтахъули ургъусири. БусягIятла замана илини, вяхъили гIергъи, арадеш къулайбирахъули саби. Арадеш ункъбиубхIели сагадан дявила хасси балбуц бетурхуси мер-мусаличи чарухъес дигули сай.

Гьунибаънила дазурбазиб Ризвай пикри бяхIчиаэс ва гьунчибикахъес хIяжатси масъалаличила буриб. Аги-кьяйда чедетаахъили пикридарес багьандан, муниципалитетла администрацияла юридический отделла начальник МяхIяммад Ибрагьимовра живариб. Илини дугьаизурсила масъала аргъиб ва баянбариб. Илала гIергъи, масъала гьарбизурдешличил арзесра имканбакIиб.

Иличи че, ихтилатла замана Ризвайзи илис дедлугути пособиябачила ва чедаахъибти кункдешуначила буриб, илис ва илала хъалибарглис районна администрацияли гьар шайчибад кумек гIеббаахъес хIядурли биъниличила аргъахъиб.

Лавашала районна администрацияла пресс-служба