Дагъиста мицIираг адилкьути хозяйствобазир мазала мас, гIежни думгнила хIяракат бехIбихьили саби. Фермерти ил манзилличи жявлил хIядурбикIули бирар. ХIяракат бехIбихьниличил гьанналис 700 азир мукьара даркьили сари.

Мазала мас имцIали думгули диъни хIисаббиуб Ахтыла, Дахадаевла, Къизилюртла, Тляратала районтала хозяйствобазир, мицIираг гьарахъти дуки-гьунила мераначи дикуйхIир. Мазала мас думгнила хIяракат апрель баз каберхайчи бухъянбилтIан.