Ахъушала районна ЧебяхI МулебкIила шилизивадси  Исламов Мурад МяхIяммадзагьирович акIубси сай бахъал дурхIнала хъалибарглизив. Гьанна Мурад ва илала хIябалра узи бегIтачил барх Къаякентла районна Первомайское шилизиб хIербирули саби. Мурадли Первомайскла шилизибси урга даражала школа таманбарили гIергъи, сунела белчIуди даимбариб ВУЗ-лизи керхурли.

Мурадлизиб виштIахIейчибад, школализив учIули левхIелил кункси атлетикала шайчибси спортличи диги лертири. Мурталра дуцIикIули, жура-журала  бухъяндешла гьуни ихъули, абзаначир илини гьаларти мерани дурцутири.

Ишди бурхIназиб бетерхурси дуцIла шайчирти  «МяхIячкъала-Избербаш» абзличибра Мурадли 4 сягIятра 53 минутлира 65 киллометрла гьуни ахъили, чедибдеш сархиб.

Гьаннала гIергъира спортличи диги, сархибдешуни имцIадикIаб, гIямрулизир гьарбизуни дахъдикIаб хIела!

С.ГIябдуллаева