Лавашала районнис гъамли мягIничебси анцIбукь бетерхур. Нушала цаванзалан, Лавашала шилизивадси машгьурси спортсмен, гъудурти журабазив мушулвирхIуси ХIясанов МяхIяммадрасул ГIябдуллахIяжиевичли судьябала цаси хIукмуличил чедибдеш сархиб.

Абз бетерхурсири Краснодарлизиб, Гран-при АСА-ла ахирласи бутIала дазурбазиб.

МяхIяммадрасулли гьанна шуйнайс сунела чемпионна ири калахъун.

ГьанбиркахъехIе, М.ХIясанов акIубси сай 1994 ибил дусла октябрьла 23-личив. Спортла дархибти журабазив, ургабси дажала битIакIлизив абзикIуси мушлукьяни 2014 ибил дусличирад санигIятлашалти абзаначир бутIакьяндеш дирули сай. ИшбархIилис илала 20 чедибдеш лер, амма кIинацун сай ил удивикибси.

Гьаннара МяхIяммадрасул ХIясановли сунела чихъси даража сагадан марбариб. Илгъуна разиси анцIбукьличил нушанира ил уркIи-уркIилавад мубараквирехIе, гьатIира халати сархибдешуни дулгехIе.

Нушани спортла ахъанайтачи абацIибти илдигъунти спортсментачи халаси пахрубирулра.

Лавашала районна администрацияла пресс-служба