Арбякьунси дусла баянти хIясибли, республикала муниципалитетунала ургаб Сергокъалала районна дахъал шалубарси центрли (МФЦ) кIиибил мер буциб.

Илгъуна сархибдеш биахъес имканбакIиб бузути хIянчизартани чучи хъарти къуллукъуни лайикьси даражаличир, уржили детурхахъухIели ва чихъти устадеш лерхIели. Илди адамтас къуллукъуни гIердиахънила хIяракат гьатIиралра кунксили ва къулайсили биахъес къайгъилизиб саби.

Сергокъалала филиалли «ВецIал улкьайличи бикайчи» бикIуси МФЦ-ла журализиб «Пачалихъла ва муниципалитетла къуллукъуни гIердиахъуси дахъал шалубарси бегIлара гIяхIси центр» ибси номинациялизиб кIиибил мер буциб.

Балбуцла дазурбазиб, Дагъистан Республикала Правительствола Председательла заместитель Ризван ГъазимяхIяммадовли ва Дагъистан Республикала лугIурбала бетуц гьалабяхI башахънила шайчивси министр Юрий ХIямзатовли Дипломтачил ва Баркаллала кагъуртачил шабагъатлабариб МФЦ-ла директор Зульфия ИсмягIилова ва дахъал къуллукъуни дузахъуси (универсальный) специалист Наида ГIябдуллаева.

Сергокъалала районна багьахънибала центр