Дила пикрили, халкьли хIязлис ахIен газетаби ва журналти пикридарибти. Сен? Гьанна нуни хIушази иличила къантI-къантIли бурисра.

Дарганталацун газетаби касалли, илди 6-цад лер. Даргала 5 район лерти сари. Гьарил районна сунела газета: «Бархьдешла гьуни» — Ахъушала районна, «Шила гIямру» — Дахадаевла районна, «Хайдакьла зяхIматчи» — Хайдакьла районна, «Сагаси гьуникад» — Лавашала районна, «Эркиндешличи» — Сергокъалала районна. Республикала: «Замана» ва «Ас-Салам» — динна шайчибси газета. Илкьяйдали 3 журналра: «Гьалмагъдеш», «Лачин», «Дагъиста хьунул адам».

Лерилра изданиебазиб гьарил районнизиб кабиркуси анцIбукьличила бурули саби. Амма, журналтани литературализирти сагакьянчидеш чедаахъес кумекбирули саби.

Журналтазир, «Гьалмагъдеш» касахIелли, чедаэс вирар декIар-декIарти хабурти, назмурти, литературала теорияби, сегъуна-биалра байрамличил дархдасунти мубаракуни, халкьла мухIлила пагьму, гIямрулизибад арбякьунти хабардерхурти поэтуни-писательтала белкIани ва илдачила пикруми, илкьяйдали гIямрулизивад арякьунсиличила багьахъни ва учительла гIямзи.

Гьалаб бахъал хIурматла адамти бузутири газетаби-журналтазиб. ИшхIелла дунъялизир кадиркути анбукьунала асарлиур газетаби къулбасдирутира камкабикIули саби. СенахIенну халкьлис бучIес дигули ахIен. Дуги–хIери хъумуртули, гьаннала жагьилти телефонтазиб саби. Саби шакалра хIебикили, илди вайти шикьатIайзи бирхули саби.

Илкьяйдали нешла мез ва литература багьла-багьлали деткайхъули сари. Илди детхIехъахъес къайгъилизиб саби мугIяллимти, поэтуни, писательти, гIялимти, журналистуни ва филологияла факультетлизибти студентуни.

Дилара илдигъунти кьасани сари. Дарган мез илцад-декIар ункъли хIедалули виаслира, илди дагьес къайгъилизивра. Илкьяйдали дила багьудлуми чеалкIуси наслуличи даахъес бажардилизивра. Дебали разилира ну учIуси курслизиб дарган мез дигахъути ва лукIути лебниличи.

МяхIяммадрасул НурмяхIяммадов, студент