Гьалабван дураберкIибси биологияла регионна кьадрила олимпиадаличиб Дахадаевла районна Ирагъила урга даражала школала ручIан Самира Бадирхановани чедибдеш сархиб. Лебил Россияла бучIантала союзла биологияла олимпиада ДГУ-лизибри бетерхурси.
Олимпиадализир бутIакьяндеш дарни ва илаб чедибдеш сархни рурсила къайгъицун ахIен, Ирагъила урга даражала школализиб бузути мурхьти багьудлумачилти мугIяллимтала бажардира саби.
Самира Бадирханова пагьмучерси, къайгъичерси ва белчIудиличи гъаргъси рурси сари. Илала мугIяллимтира дурхIни белчIудиличи ункъли хIядурбирнилизиб ва илди-ургар мурталра декIар-декIарти интеллектуальный абзани дурадуркIнилизиб гIяхIил бажардибиркули саби. Ил секIал марбарибсири рурсили олимпиадаличиб.
Гьаннала гIергъира Самирас белчIудилизир гьарбизуни диаб, гьарил сунени балбуцибси жигарчебли бетерхаб. Илала чедибдешли цархIилти бучIантира уркIичеббараб ва рурсира сунела пагьмуртачил, гIяхIти кьасаначил гьатIира гьаларяхI рашаб.
Дахадаевла районна администрацияла пресс-служба
