СягIид Ниналалов, Росссияла писательтала Союзла член: «Сергей ГIялимовичли Дагъистанна Халкьла Собраниела ва Правительствола гьала МяхIячкъалала-Каспийскла агломерация гьалабяхI башахънила ва ил шайчирти аги-кьяйдаличила мягIничебси масъала ахъбуциб. Илди лерилра суалти, ил лугIилизиб – Каспи урхьула дублара, гьунчидиркахъуси закон хIядурбарес чебиркур.
Республикала БекIли регионна шагьуртазир законагар шайчир тIашдалтути юртанала масъултачила гьанбушиб. Дагъистаннизиб ипотекала кредит гIягIниси тяхIярли бузахъули ахIен. АрагIебли Россиялизир биалли, ил бетуц хIясибли, хъулри исули сари. Хаслира пикри бяхIчиаиб Каспийсклизибси общежитиеличи, ва шагьарла бекIли ил масъала бекIхIебарниличила гьанбушиб. ИмцIатигъунти анцIбукьуназир, эскидиубти хъулрала мерличир илдачирра вайси даражала гьаладирхьули сари».
