Хайдакьла някьишла уста Зубайдат ХIясановани коронавирусла чейхъуси изайчи къаршиси вакцина барахъес хайдакьланти жибариб: «ИшбархIила манзил де­бали къиянси саби. СенахIенну, нуша кIиэ­сил дус ил изай­чи къаршили дургъулра. Гьар бархIи са­гати къадагълуми пикридирули сари. Лерилра культурала шайчирти ва цархIилти далдуцуни дура­дур­кIес имкан агара».

Дунъяличир эпидемияла шайчир кадиркути аги-кьяйда хIисаблизи касили, сунени, этноцентрла хIян­чи­зартани, хъалибаргли вакцина барахъниличилара гьанбушиб илини.
«Нушазирад чилалра, вакцина барахъибхIели, сегъун­тилра вайти асурти хIедиуб. УрухкIеси селра агара илаб. Дила гьанбикли, гьаб-убла гIямрула баш­ри­личи чардухъес багьандан, лебтанилра вакцина ба­рахъес хIяжатси саби. АхIерти гьалмагъуни, вакцина барахъая. ХIушала ва гъамтала гIямру мяхIкамдарая. Арали калабая!» — чеимцIабариб З.ХIясановани.