Ишдусла майличиб СМИ-бани адамтала ихтиюрти далтахънила масъулти баяндируси «В фокусе – права человека» бикIуси лебил Россияла конкурсличила багьахъурсири.
Конкурс «Россияла журналистунала Союз» жамигIятла организацияла ва РФ-лизир адамла ихтиюрти далтахънила шайчивси вакилла бекIдешлиуб дурабуркIуси саби.
Конкурс бяхIчиаибси саби СМИ-бани адамла ихтиюрти далтахънила масъулти тIинтIдирниличи; пачалихъла ва мерличирти хIукуматла органти адамла ихтиюртала ва азаддешла хIурматбирахъес икьаладиъниличи; ихтиюрти далтахъути баркьудлуми машгьурдирниличи…
Конкурсличи гьаладихьибти хIянчурби хIябал номинацияличи дуртIути сари: «Право восстановлено» — СМИ-базиб ихтиюрти далтахъути баркьудлумачила баянбирни; «Лучшие правозащитные практики» — бекIахъудила, Конституцияла ва цархIилти ихтиюртала шайчиб халкь мяхIкамбирути баркьудлумачила баянбирни; «Правовой всеобуч» — адамла ихтиюрти далтахънила шайчирти багьудлумала ва культурала даража ахъбуцни.
Декабрьла 10-личиб конкурсличиб чедибикибти шабагъатлабиру.
