Гьаларван, Да­гъиста халкьли дучибти се­кIал дявила хасси бал­буцличир бутIакьяндеш ди­ру­си гьужум дурабуркIутала 57 ибил бригадала бургъантачи да­­ахъиб. Республикала чумал район­на халкьли бургъантас ча­ра­агарли хIяжатти секIал ду­чиб­тири.
«Халкьла ополчение —1999» ДРОО-ла командир, ин­тер­­бригадала командир, Афга­нис­тайзир, Чечнялизир ва БотI­лихлизир кадикибти дявила анцI­букьунала, илкьяйдали СВО-лара бутIакьянчи МутIалим Му­тIалимовли, бургъанти даим гIеб­бурцнилис, Хайдакьла районна халкьлис баркалла багьахъур.
«Хайдакьла районнис ва илала бекI Запир ХIясановлис халаси баркалла багьахъес дигулра. Бургъантас хIяжатти секIал дурчнилизир ил районни мурталра жигарла бу­тIа­кьяндеш дирути сари», — буриб М.МутIалимовли.
Республикала районтани саби гIеббурцни бургъантас де­ба­­ли мягIничебси биъниличилара аргъахъиб МутIалим Му­тIа­ли­мов­­ли.
Бургъанти гьаннала гIер­гъира гIеббуцили бирниличила буриб Хай­дакьла районна бекI Запир ХIя­са­новли.
«Гьабкьятала къяяназибти бургъанти гIеббурцнила бар­кьуди даимбарили бирар. Илди гIеб­буцни – нушала бекI­ли­биуб­сигъуна ма­съала саби», — буриб илини.
Хайдакьла районна администрацияла пресс-служба