Ну акIубси ши саби Сагаси ДейбукI. Ил дебали жагаси, дила уркIилис дигуси мер саби.
Сагаси ДейбукI Къаякентла районнизи кабурхуси саби. ДейбукI ибси ши кIел девлизибад цалабикили саби, сарира «дев» ва «бекI». Илдазибад шила у бетаур. «Сагаси» ибси бутIара чебатур дубуртазибси ДейбукIла шилизибад адамти диркьаличи гечбиубли, сагаси ши бетаурхIели.
Сагаси ши биъни багьандан, дила шилизир илцад-декIар чучи гIяхIлани пикри бяхIчиаэсти мер-муса агара. Буралли, ши багьла-багьлали халабикIули саби ва сагати объектуни дагьардирули сари: амбулатория, хIерили бузуси стационар, биштIатала анхъ, культурала Юрт, биштIати хIязли биркьахъес хасбарибси мер, футболла майдан. ГьатIира лер адамти цалабиркахъес хасдарибти меранира.
Сагаси ДейбукIла шилизивадси сайри даргала писатель, критик, филология­ла гIил­муртала доктор ва профессор ГIяб­дул­лагь ВяхIидов. Илини дахъал произ­­ве­дениеби ва гIилмула хIянчурби дел­кIун­ти сари.
Илала гIямрула рархкья ПатIимат ВяхIидовара дебали пагьмучерси хьунул адам сари. Илини гIяхIцад дусмазир дарган мезли дурабулхъуси «Дагъиста хьунул адам» бикIуси журналла редакторла къуллукъуни дузахъули калун. БусягIятла заманара ил журналлизир кIиибил редакторли рузули сари. П.ВяхIидова ДейбукIла шила советлизира карурхуси сари.

ПатIимат МяхIяммадова (Наримановна),
ДГУ-ла филологияла факультетла 3-ибил курсла студентка