Дявила хасси балбуц бехIбихьибхIели, бахъалгъунтала «Сен?» ибси суал ал­кIул­ри. ГIямру вавалидяхъибти мурул адамти, хъа­либаргунира хIянчира датурли, сен саби-гIя­хIъу­лали военкоматунази арбашули?
Лавашала районна ХъулибухIна бикIуси шилизивадси Руслан Мутаевли ил суайс дугьбачил ахIи, баркьудиличил жаваб бедиб. Дигути кIел уршира хьунулра хъулиб батурли, Русла уркIили ВатIан батахъес укьни сунела чеблализи халбариб. Ил повестка бакIайчи хIерли кахIейили, улкалис къияндикибхIели итмаданал илис кумекличи музаухъун.
Дявила лерилра къияндешуни чекасили, душма хIярхIубала удир дявила хъарбаркьуни тамандирули, илини ВатIайс мардеш чедиахъули сай. ЦархIилтанира гIибрат касести илала гъабзадеш пачалихълира чихъли кьиматладариб: Русла михъири баршибти шабагъатуни ца ити дедлугути ахIен, илдани ургъанна игитдешлис бикьридеш дирули сари. Илала шабагъатуни лер: 2022 ибил дусла июльличиб, РФ-ла Президентла ХIукмуличил бедибси Суворовла уличилси медаль; 2024 ибил дусла июньничиб РФ-ла Президентла ХIукмуличил бедибси Жуковла уличилси медаль; 2024 ибил дусла ноябрьличиб РФ-ла оборонала министрла ХIукму хIясибли бедибси «Дявила къуллукъуни тамандирухIели декIарухъни багьандан» медаль; «СВО-ла бутIакьянчи» лишан; «Дявила асилдеш багьандан» II-ибил даражала медаль ва цархIилтира.
Сунела уршбасра ил гьарли-марси игит сай, дявила гьаларти къяяначирад чучи кагъурти лукIуси ва саби иличи хIерси. Хьунуйс биалли, ил гIядатласи мурулцун ахIенну, азирти километртала бухъяндешличивра къаркъала къала сай. Шанти иличила «урехиагарси ва мурталра кумекбарес хIядурси урши» сай бикIули саби. Буралли, Руслан Мутаев шанталацун ахIенну, арагIебли районнара Дагъистара пахру сай!
Лавашала районна администрацияла пресс-служба