Ахъушала районна ХIинтIала ши­ли­зи­вадси Камалутдинов Мя­хIям­мадрасул МяхIяммадович 2022 ибил дус­лизиб СВО-ла хасси анцIбукь бехI­би­хьили гIер­гъи мобилизоватьварили ургъахъес ару­киб­сири.
МяхIяммадрасул акIубси сай бахъал дурхIнала бегI гIя­датла хъалибарглизив. Илала бегIти Камалутдинов МяхIяммад Жамалутдиновичли ва Камалутдинова Умамат ЖягIпаровнани урчIемал урши-рурси абикьур. УрчIемалра урши-рурсилис бегIтани гIяхIси бяркъра бедили, багьудира касахъили, гIямрула гьунчи дураиб.
Илкьяйдали ВатIа хъархIерагардеш батахъес ва чеалкIуси наслулис шаласи челябкьла биахъес багьандан, МяхIяммадрасулли СВО-лизив гъабзадешличил ургъули, халаси пай кабихьиб. ВатIайс марси урши Россиялизир цадеш, халкьла челябкьлализир даршудеш диахъес багьандан, улкала гIяскуртазиб къуллукъбирули калун. Ил сунела гIямрулис урехи лебниличила балули хьалли, хъарбаркьуни детурхахъули, гьунарти чедиахъули, душманти къирбирули ургъусири.
Ил гIяхIгъабза ургъан 2023 ибил дусла мартла 29-личив декIли вяхъиб, Санкт-Петербурглизибси госпитальлизир МяхIяммадрасуллис чумал операция дариб. Илала хIулбазир нукьсандешуни акIубли, ца хIуйс операция барили, пагьмучебти тухтуртала устадешличил бехIсурбарес гIягI­ни­бикиб, цархIилти биркIантасра заралбиуб­лири. 2024 ибил дусла декабрьлизив арадеш нукь­санбикни багьандан, ил хъули вархьиб.
Россияла Федерацияла Президент В.Путинна Указ хIясибли, Камалутдинов МяхIяммадрасул Мя­­хIяммадович «Гъабзадеш багьандан» бикIуси медальличил шабагъатлаварили сай.
МяхIяммадрасулли сунела гIямрула рархкья ПатIиматличил барх хIябал урши-рурси абилкьули леб. Чула гIямрулизир сархибдешуни, чархлизиб арадеш, дурхIнала челябкьлализиб даршудеш диаб!

Сабият ГIябдуллаева