Ахъушала урга даражала  цаибил школализир лер  гIяхIти кьиматуначил 6-ибил класслизир ручIули Шейхова Мадина Шамиловна. Мадинани жура-журала конкурсуназир бутIакьяндеш дирули, гьаларти мераначи лайикьриркули сари. Жагьилтала ва спортла управлениели дурхIни-ургар жура-журала конкурсуни дурадуркIули дирар. Илди конкурсуназир районна духIнарти школабала бучIантани учительтачил дарх жигарла бутIакьяндеш дирули сари.

Мадинанира илаб дурабуркIуси суратунала ва плакатунала «Наш мир без терроризма» бикIуси дурхIни- ургаб бетурхуси конкурслизирра бутIакьяндеш дарили, гьалабси мерличи лайикьрикили, Грамота сархиб.

Школала духIнар дурадуркIути далдуцуназирра Мадинани бутIакьяндеш дирули рирар. Мадинала неш Хадижатли ва дудеш Шамилли гIяхIси бяркъра бедили, абилкьули саби хIябал урши-рурси.

Мадинала челябкьлализирра гьарбизуни, сархибдешуни имцIадикIаб, белчIудира гIяхIти кьиматуначил даимбарес кьадарбиаб, ВУЗ-лизи карерхурли халкьлис манпагIятси санигIятличира регIриаб!

С.ГIябдуллаева