С.ГIябдуллаева

МухIела шилизивадси Жамалутдинов Шамил ГIяб­дул­лае­вич акIубсири хIурматла хъалибарглизив 1983 ибил дуслизив.
Шамил учIули калун Мя­хIяч­къалализибси урга даражала школализив. 2002-ибил дуслизив Буйнакъск шагьарлизив ВатIайс къуллукъ­бирули калун. Шамилла дудеш ГIябдуллагь жявли гIям­рулизивад арякьунсири. Ил багьандан Шамилла неш Кьурбанова Ханзаза ГIя­лиев­на­ни дурхIни абикьес, илдас гIяхI­си бяркъ бедес халаси къайгъи дакIубариб.
Шамил ГIябдуллаевичли 2024 ибил дусла июль баз­ли­­чиб, сай гIяхIъулали ВатIайс къуллукъбарес, халкьла ва че­ха­лабиуси наслула челябкьла паргъатсили биахъес ба­гьан­дан СВО-лизи арукьес кьасбарили, вягIда къулбас­ба­риб­­­сири. 2024 ибил дуслизив Шамил гъабзадешличил ургъули, ВатIайс къуллукъбирули, сунела жан ахIерахIедарили, СВО-ла анцIбукьуназив, ВатIа хъархIерагардеш балтахъули алхун (сунела бунагь-хатIа уркауцаб).
2024 ибил дусла декабрьла 27-личиб кьабулбарибси РФ-ла Президент В.Путинна ХIукму хIясибли, Жамалут­ди­нов Шамил ГIябдуллаевич Гъабзадешла орденничи лайикь­­викиб.
Шамилла гъамтас сабурра, арадешра ва дурхIнала челябкьлализир сархибдешунира, даршудешра диаб!