ХIера, дуцI урчила мур­да­­ван шалгIердухъун дуцI­румла хIябалра баз. ДурхI­ни сентябрь­ла цаличиб шко­­лализи букьес хIядур­бикIули саби. Иш­бар­хIи цабехIлис школала зянкъ бегI­лара гьаларти дирар, цар­­хIил­тас биалли бегIлара гIергъитили, се­на­хIен­ну 11 ибил ва 9-ибил классла дурхIнас сентябрь­ла ца­ли­чиб бируси линейка гIур хIе­би­рар.
Шаласи, багьудлумала БархIи наб гIилмула дунъялизи бухI­най­хъути цаибил классла дурхIни уркIи-уркIилабад муба­рак­барес дигулра. ХIушани кацIибси ганзлис гIергъи рази­дешра, талихIра, багьудира хIушала гIямрулизир каммадиаб. Гьар даим хIушала гьунчиб бегIлара гIяхIти ва багьудичебти мугIял­лимти къаршибиркаб. Баркьудлуми биалли, гIяхIтицун кьи­матуначи лайикьтили диаб. Лебилра бучIантас даршуси, хьан­цIа заклиур разити, шалати бурхIни дулгулра, черяхIти кьи­ма­туначил школа таман­барахъес ахъри ва цIакь габ.
БелчIуди таманбирути дурхIнас биалли, сабурличил ва че­ка­ди­зурли дучIахъес, гIилмуличи хIушала гъира ва иштяхI чеимцIа­­дикIа­хъес маслигIятбирулра. Адамдеш ва хIяя лертили, цар­­хIилти гIеб­­бурцутили, машгьуртили детаэс кьа­­дарбиаб хIу­шаб! Лебталалра уркIила хьулани де­тер­хаб, бахъ­бикIаб секIал ункъли балути дурхI­ни.