ГIергъиси замана тIабигIятла гьанагарти анцIбукьунани адамтала бекIахъудила шуртIрачи заралласи асар бирули саби. Гъай ишар гьундурачила сари. ЦацадехIти шимазирти гьундури мекелли вайси даражаличир сари. ГъятIкадиибти гьундурачирад машинаби дикес халкьлис чевкъули саби. Ил анцIбукь адамтала гIямрулисра урехиласили бетарули саби.
ЦацадехIти районтазир хIянчи демжахъурли сари ва аги-кьяйда къулайдирули сари. Илгъуна аги саби шагьуртазирти гьундурачибра. Нуша биалли тах шагьарлизир хIердирулра. Ишартира машинабала гьундури заякадиубли чедиулра.
ЦацадехIти шагьарла бекIлидиубти кьакьурбазирад машинаби, ита-иша иргьутиван илди шалгIердулхъули дирар. Дахъал арц дедили асибти халкьла машинаби заякадирули сари. Гьуйчирти чукълумани машинала хIулруми даргдердахъесра асубирули саби. АрхIяличи дураухъунси адамлис ил халаси заралли бетарули саби. Илкьяйдали анцIбукь пайдахIебирар. Хаслира тах шагьарлизиб. Адамтала гIямрула шуртIри къулайдарес ибси пикриличил пачалихъли дахъал хIяракатуни дехIдуцили сари. Гьндурачира чеимцIаси пикри бяхIчииъниличи ва багьла-багьлали илди лерилра сагадирниличира умут бетихъули ахIен.