Хайдакьла районна Кьулижала шилизивадси офицер Идрис ГIялиевли вягIда хIясибли 8 дус дергъла гIяскуртазиб къуллукъбирули сай. Дявила хасси балбуц бехIбихьибхIейчивад И.ГIялиев ил бетурхуси мер-мусаличив сай.
Донецкла областьлизибси Мариуполь ши азадбалтахъухIели, Идрис ГIялиевли дебали мягIничерти баянти дучибтири. Илдала кумекличирли Россияла гIяскуртани, дахъал детахълуми агарли, чула хъарбаркь бетерхахъурсири. РФ-ла Оборонала Министерствола хIукму хIясибли, 2022 ибил дусла июньна 28-личив ил «Дявилизив декIарухъни багьандан» бикIуси медальличил шабагъатлаварибсири. 2023 ибил дуслизив II-ибил даражала Георгийла къанчличил шабагъатлавариб. Ца хъарбаркь таманбирухIели, ил бегI гьалав вяхъибсири. ХIябал базла ухIнав ил СВО-ла мер-мусаличи чарухъун.
Бахмутлизиб дявила хъарбаркь бетурхахъухIели, И.ГIялиев кIинайсра вяхъибсири. Селичилра хIерхIеили, камси заманала ухIнав, ил сунела дявила юлдашуначи чарухъун ва гъабзадешличил къуллукъ даимбариб.
Идрис ГIялиевли сунела баркьудлумазир чедаахъибти гъабзадеш ва жигарчердеш багьандан 2024 ибил дусла октябрьла 21-личив ил Россияла Президент Владимир Путинна ХIукму хIясибли, Жуковла уличилси медальличил шабагъатлавариб.
Жагьилтала патриотизмаличи районна шантани пахрубирули саби. Хайдакьла жагьилтани гъабзадешличил чула дявила чебла ихъули саби. Илис бикьрили детарули сари — илдас дедлугути шабагъатунира.
Хайдакьла районна администрацияла пресс-служба
