Спортсмен ГIябдуллагь Ибрагьимов гьаман абзаначив чедииркули вирар, ва гьаларти мераначи лайикьиркули сай.
ГIябдуллагь акIубси сай Урхьучимахьилизив. Ил вецIал дус гьалав боксла шайчибси спортла журализи ахъибсири. Илала бархIиличи-бархIи боксла абзанала шайчир сархибдешуни имцIадикIули сари.
Жагьилти-ургар детурхути абзаназирра илини гьаман чедибдеш сархули вирар. Дагъистан Республикала, Северный Кавказла чемпионатуназир жигарла бутIакьяндеш дирули, чуйнара чемпион ветаурси сай. Гьанна биалли, ГIябдуллагьли мурул адамти-ургар детурхути абзаначир бутIакьяндеш дирули сай. Илдазибра илис чедибдеш сархес имканбикIули саби: Россияла ва Дагъиста чемпион ветарули.
ГIябдуллагьла чедибдешунас бикьридеш дирули сари лугIилашал дахъал кубокунани ва дипломтани. Илди-ургар лер Дагъистан Республикала физический культурала ва спортла Министерствола шайзирад дедибтира.
Илини Санкт-Петербурглизибси пачалихъла промышленная технологияла ва дизайнна университет таманбарили, чебяхIси даражала белчIуди касиб. Ил бусягIятла замана сунела бегIтачил варх Къизларлизив хIерирули сай.
Гьаннала гIергъира ГIябдуллагьла гIямрулизир ва спортлизир сархибдешуни имцIадикIаб!

С.ГIябдуллаева