Советский Союзла Игит С.ГIялисултIановла уличилси Мажалисла шилизибси школа-интернатлизиб СВО-ла бутIакьянчи МяхIяммадов Навруз МяхIяммадовичличил гьунибаъни бетерхур. Украинала мер-мусаличиб бетурхуси хасси балбуцла дазурбазир чус гьаладихьибти масъултачила илини буриб.
Цаибтала башрила хIяракатчибани илизи тамашала суалти хьардаиб ва дявила дахъал хабурти дакьиб.
«Халаси баркалла нушала гIяхIяйс ва балбуцлизир бутIакьяндеш дарибтас. Хасси тяхIярла гьунибаъниби нушани гIурра дурадуркIехIе. Цалис цали гIуррара кумекбирехIе!» — викIи балбуцла сиптакар ва Хайдакьла районнизиб «Движение первых»-ла бузери дурабуркIнила шайчивси специалист Рабазан МяхIяммадкамилов.
Хайдакьла районна администрацияла пресс-служба
