ХIурматла ГIябдулмуслим МухIудинович!
Дагъистан Республикала журналистунала лебилра цалабяхъла шайзивад ва дила шайзивад хIу 65 дус виънила юбилейличил уркIи-уркIилавад мубараквирулри.
ХIуни республикала министртала кабинетлис бекIдеш дирути хIябал дусла духIнар Дагъистайзирти дахъалгъунти кьялуби гьаладяхI дашнила ахъси даражаличи ва сагаси бетуцличи дурадухъун.
ИшбархIила хIела къайгъначил ва цIакьаначил Дагъистан экономикала-масани дурайънила халати сурсатуначилси, багьудила ва арадешла гьаладяхI ардякьунти кабизуначилси, бирхаудиличил бекIлидиубти масъулти гьала тIашдалтуси регионни бетаурли саби.
ХIела бекIдешлиуб Дагъистан Республикала бахълизи мягIни-хIял иргъахъути гIягIниахълумала кьяли сагаси бяхIчибизлизиб ганзбикIес бехIбихьиб. Нуша лебтанилра балуси саби хIуни миллатла изданиебачи хасси пикри бяхIчииъниличила, илкьяйда биъни иргъули саби журналистунанира. Гъайлизибцун ахIи, баркьудилизибра хIуни чебиахъулри нушала миллатунала мезани мяхIкамдирес мягIничебси биъни.
ХIу акIубси бархIи нушани хIед гьамадли ахIенси бузерилизир гьарбизуни, Кавказла духъянти гIямру ва лерилра гIяхIдешуни дулгулра, гьала тIашдатурти мурадуни сархили дигулра.
ХIурматличил ДР-ла печатьла ва багьахънибала Агентствола руководитель Арсен Юсупов ва «Замана» газетала редакцияла коллектив
