Лавашала районнизир республикала кьадрила Лаваша – Ахъуша – Уркарахъ — Мажалис – Мамедкъала гьуни къулайбирнила хIянчи даимдиубли сари. Илди дурадуркIути сари «ГIямрулис инфраструктура» бикIуси миллатла проектла дазурбазир, ва Лавашала, Ахъушала, Дахадаевла, Хайдакьла районти- ургарти социальный бяхIчибизла-культурала ва гьундурала бархбасуни къулайдирниличи дяхIчиаибти сари. Илкьяйдали ил гьунили «Кавказ» Р-217 хан гьуниличилра бархбасуни кадилзахъа.

ЖамигIятла вакилтани буруливан, хIянчи ахъси даражаличир ва, лерилра умцлаби халдарили, детурхули сари. Хаслира пикри бяхIчииули саби гьуни  адамтала г!ямрулис  урехиагарсили бетарахъниличи : сагадарили дирар адамти хьурали башахъес хасдарибти мерани,  гьалабизунира кадилзахъа, лишантачилти тIулрира, гьундурала лишантира. Иличибли гьундурачиб бет-садбашутас къулайти шуртIри алкIан.

ДР-ла транспортла Министерствола ва гьундурала хозяйствола пресс-служба