Ахъти дубуртар, хъяр­хъти ва­ра­чантар ну­ша­ла Да­гъистан — тIа­би­гIят­ла жа­­­га­дешличибли, гIи­л­му­­ла гIя­­ли­м­та­чибли, саха­ват­­­ти гIяхIял­дешличибли ва иги­туна­чиблицун ахIен­ну, уркI­­би чIу­мати, хIи дуцIар­ти, яхIла, кьасла спорт­смен­та­­чиблира машгьурси саби. Ил­ди­гъунтазивад цаличила саби иш дила белкIра.
Каймаразов МикагIил Кай­маразович акIубси сай Сергокъалала шилизив 2009-ибил дуслизив, гIя­датла хъалибарглизив. Сер­гокъалала 2-ибил школализир 9 класс тамандарили, Ми­кагIил МяхIячкъалала фи­нансово-экономический кол­леджлизи керхурли сай. Ца­заманализир илини ХIя­мид ХIямидовла уличилси спорткомплекслизир сунела тре­нировкабира даимдариб. Дудеш Каймаразли ва неш Мариямли гIибратчебси бяркъ бедлугули цаличиб ца духути, жавабкарти кIел ур­шира рурсира абилкьули саби. Адамдешра, хIяяра, Ва­тIайчи ди­гира че­ряхI­ди­рули пергер наз­мурти лукIуси поэт Ай­ди­мир Каймаразовла уршила урши сай МикагIил. Белики, хала дудешла пат­риот бел­кIананира асарбарили биэс иличи.
МикагIиллизир виштIа­хIей­­­­чирад спортличи диги лер­­­тири. Илди дигиличил дарх мулеб­кIан яхIра, чIу­ма­­си кьасра уркIила дуцили, Ми­­кагIил спорт­лизив гьа­ла­вяхI вашули сай.
ВецIну урегра дус виубси Мика­гIил­ла шабагъату­на­ла лугIи тамашабизур. Ил­да­чи хIеръили багьеслири спортсменни дахъал абзаназир бутIакьяндеш дарни. ГIергъити хIябал базла духI­нарцун илини хIябдехI аб­заназир бутIакьяндеш дарили сай. Олимпиадала чемпион З.ГIялибеков 80 дус виънила юбилейлис хас­да­рибти, Каспийсклизир 2025 ибил дусла декабрьла 23-26-личир дурадеркIибти респуб­ликала абзаназиб Ми­кагIил Кай­маразовли 1-ибил мер бу­цили, мургьила медальличи ва Дагъиста чемпионна уличи лайикьикиб.
Ишдуслизир СКФО-ла гьалабдеш багьанданти Гроз­ный­лизир ду­ра­­­дер­кIибти азад­ли мушул­баш­­нила абза­назир бу­­тI­а­­кьяндеш дарили, Ми­кагIилли 3-ибил мер бу­циб. Илала гIергъира Ми­­­ка­гIилли Иркутсклизир ду­­­­р­а­­дуркIути Россияла аб­за­­на­­зирра бу­тIа­кьяндеш да­­риб.
Сергокъалала районна бекI А.МяхIяммадовли спорт­­­­лизир гьаларти мерани сар­хули, район гьалабяхI ба­­шахъуси МикагIил Кайма­ра­зовлис баркалла балахъули, ХIурматла Грамота бедиб.

Гьарил санигIятлизив узу­си адам­личи кьяйда, спорт­с­менничира наси­хIят­чибани гIяхIси асар бируси саби. МикагIилла на­си­хIят­чиби–тренерти саби Руслан Ших­шу­натовра Мя­хIяммад Гереевра.
МикагIил, хIу бегIтала, гъамтала, сергокъалалантала пахрули ветаурлири! ЧевяхIсини гIевурцули, спортлизир ва гIямрулизир сархибдешуницун дирули, хIурмат ахъбикIули калаби!

З.ГIямарова