ГIергъити дусмазиб нушала республика бухIнабси туризмала бегIлара тIалаббируси бяхIчибизли бетаурли саби. Ахъти дубуртани, мурхьти къадурбани, жявхIелила шими-махьурбани, Каспила урхьули азиртадли сапарчиби Дагъистайзи битIикIули саби, иличибли регионна экономика гьалабяхI башахъули. Мерличибти адамтани гIяхIлас юртани ибхьули сари, някъла хIянчурби гьаладяхI дашахъули сари, хIянчила мерани гьаргдирули сари. Нушала республикалис бухIнабси туризм экономика гьалабяхI башахъес ва пачалихъли лугути арцличи адамти хъархIехъахъес гIяхIси имкан саби.
Амма, нушала республикализи башути архIяликьянабани алкIахъуси цархIил шалира хIясибхIебарес хIейрар. Машгьурти мер-мусаличи аркьути гьундурачирти машинабала дахъдешли вет-садухъес агара, машинаби кадалтути мерани дубуртала бехI дубличи детаайчи тIинтIдиубли сари. ТIабигIятла объектунили сарти Сулахъла къярд ва гъумла авлахъ Сарыкум жярга-зекълизи гIеладикили сари, ганзкадарили, дугIла мицIирагла паргъатдеш булъули саби. Гьалар паргъатли хIердирути шимазир ишбархIи вертолётуни урцули сари.
Цаургабси аги кабизахъес вирар туризмалис гьуни чебиахъуси виалли. Жявли асар бетаруси мераначи башахъес квотаби дедлугалли, цархIилти бетуцуни гьаладяхI дашахъалли, лугIурбала документуни хIясибли айцIахъес ихтиярбиралли, экскурсияби дурадуркIанти тIабигIятличи пикрибикIахъес бурсибиралли, дех камбиахъес кумекбиру. Хайри арцлизибцун ахIен биэс гIягIниси, ил нушала республикала жагати мер-муса мяхIкамли дихIнилизибра саби. Илди чедиэс ахIену гьатIи сапарчиби нушачи башутира? Дагъистайс туризм гIягIнили саби сунела жагадешличи адамти хIяйранбирахъес, экономикала шайчибси даража гIяхIбухъахъес.