«Дарган дарган вирусив, дарган мез хӀедалуси».
ГIяхIмадхан Абу-Бакар

Ассаламу гIялайкум, хIурматла дарганти. Кьудратла ВегIла ахъриличил цацабехIти бегIти бетаурли саби. ЦархIилтас биалли, нешдешла-дудешдешла цаибти хIялани дагьес чевкъар.
Нешла ниъличил дарх дурхIялизи минадиахъес хIяжатти лерилра адамдешла къиликъунала дурарад, нешла мезличи ва миллатла культураличи дигира илдазир адикьес гIягIнити сари.
Нушала бегIтани чула мез дални — хала бегIтала къуллукъ саби. Нушазира бегIтани илди ункъли дяркъяхъурли сари. Нушала дурхIнани, чеалкIуси наслули мез дални — нушазибад дигахъуси саби.
ХIушала лугъат хIурхъила биалли, хъулир дурхIнази ил лугъатличил гъайдикIеная. ГIярбукIла биалли — ил бузахъеная, урус мез хIедузахъес къайгъибарая. Ахъушала лугъат биалли, иличил дурхIнази гъайдикIеная. ЦархIилти мезани хIушалайчир ахъли чемадиидая.
Нуша дарганти сарра. БегI гьалаб балес хIяжатли саби нуша чихъали саррал ва чинарадти саррал. Гьарил дарган нешла ва дудешла чебла саби — дурхIнази нешла мез гIерасахъни.
Нушала дурхIни цархIилтани хIяжатагарти ва лайикьагарти секIайчи бурсибарайчи, илдас къулайси бяркъ бедес нушаб хIяжатбиркур. Ил масъалализир чедихIяртдеш дакIудирути бахъал саби. Гьайгьайрагу, аги-кьяйдаличи чекадизни — бекIлибиубсили бетарар.
Черсаргъая, дарганти!
Нуша дявила ва культурала мекелли давлачебси тарих мяхIкамли бихIути хала бегIтала наслу сарра. Илдала хIурматлисра аги-кьяйда ахъси даражаличир дихIес гIягIнити сари.
Арали датабая!

ГIябдуряхIман ИсмягIилов