ДР-ла Халкьла ­Соб­ра­­ниела депутат Шамил ­­ГIя­­ма­ровли «Замана»-лизи ишди бурхI­­назиб республикализиб бехI­­бу­цибси «Дагъиста команда» би­кIуси сагаси проектличила сунела пикри буриб. Шамил ХIясбуллаевичла пикри хIясибли, илгъуна сагати хIянчизарти тIалаббируси конкурсли регионна санигIялашалси кьяли кагибси жураличи буршу.
Парламентарийли буруливан, ДР-ла БекIла къуллукъуни заманалис дузахъуси Ф.Щукинни ил проект школаби тамандарибти дурхIначилси гьунибаъниличиб бехIбихьни мягIничебсили бетарули саби. Школа таманбарибти дурхIнани пачалихъла имтихIяйчир ахъти хIясилти чедаахъибтири. Депутат Ш.ГIямаровли хIя­сиб­бариливан, илгъуна сиптали республикала руководстволи пагьмучебти жагьилти гIеббурцни ва илдас хIяжатти шуртIри алкIахъни чебиахъули саби. Илдас акIахъубти имканти хIясибли вегIла ВатIа мер-мусаличирра улкалис ва халкьлис багалати баркьудлуми дурадуркIу.
Шамил ГIямаровлира илгъуна сипта гIеб­бур­цули сай, сенахIенну баягъи конкурс белгити специалистуни ва бекIдеш дирути хIянчизартала сагаси наслу алкIахънилизиб дебали кьадричебси ганз биъниличила иргъухIели. ИшхIелла школа таманбарибти бучIантани, сабира чебяхIси даражала белчIудила заведениебази кабурхути, челябкьлализир чули касибти багьудлуми ва бурсидешуни Дагъистан гьалабяхI башахънилизиб ва илала челябкьла шаласи бетарахънила гьунчир пайдаладарес бирар.
Илала дурабад, ил проектли халаси мягIна бухI­на­бурцули саби, Россиялизир чебяхIси даражала багьудила заведениеби тамандарибти ва багьудлумачил бегIбиубти, пагьмучебти жагьилти республикализи чарбулхъахънила шайчибра.
Депутатли бурни хIясибли, дахъал дусмазиб Дагъиста пагьмучебти, ункъли секIал балути вакилтани республикала дураб, белчIудила черяхIти заведениебазиб багьуди кайсулри, гIур биалли илди декIар-декIарти кьялубазир санигIятуни чердикIили, илаб бузули кавлулри. Амма гьанна биалли, республикала руководстволи чеббикIибси сагаси бяхIчибиз хIясибли, нушала школа таманбарибти дурхIнас регионна бузерила мераначиб калахъес имканти алкIахъули сари.
Ил тяхIярли Ш.ГIямаровли Д.Р-ла БекIла къуллу­къуни заманалис дузахъуси Федор Щукинна дугьбачи хасси пикри бяхIчиаиб: «Хъули чардухъни – гIелабяхI ганз кацIни ахIен, ил гьалабяхI кацIибси ганз саби». Депутатла гъай хIясибли, республикала челябкьлала сагаси стратегия чебиахъули саби. Дагъистан гьалабяхI аркнилизиб ва республикала жагьилти адамтас гьар-ур агарти им­канти гьаргдирнилизиб гьаликIли бетарули саби, се­нахIенну илини чебихъули ва иргъахъули саби бу­зерила гьарбизурси гьуни кабихьес регионна бухI­набра вирар.

Рабадан БяхIяммадов