Ахъушала районнизибси ЦIу­­ликъяна бикIуси бу­лу­гу­на­ла миллатла адамти хIер­би­руси шилизиб леб  МяхIмалиев Тажудин Мя­­хIям­­мадовичла ва МяхIмалиева Гюль­нара СултIанхановнала хIурматла хъа­ли­­барг. Тажудин ва Гюльнара 1996 ибил дус­­лизиб хъайчикабиибти саби. Ил­да­ни гIяхIси бяркъра бедили, багьу­ди­ра касахъили, хIябал дурхIя абикьур. Ил­­да­зи­бад кIел урши— Руслан ва Юмин бу­сягIят СВО-лизиб ВатIа хъар­хIе­ра­гар­деш ­батахъес­ багьандан бургъули саби.
Россияла Федерацияла Оборонала Министерствола шайзибад илди кIелра гъабзадешличил бургъни багьандан,чумал шабагъатличи лайикьбикили саби: «Дявила гьалмагъдеш чIумадиахъни», «Дявилизив декIарухъни» ва «СВО-ла бутIакьянчи» бикIути медальтачи.

Илди гIяхIгъабза бургъантала хала дудеш МяхIяммад МяхIмалиевра гъабзадешличил ЧебяхIси ВатIа дергълизив ургъули калунсири. Фашистуназибад Ва­тIан акьубатахъес ва халкьла челябкьла даршусили бетаахъес ургъули калунси Мя­хIяммад МяхIмалиев «ЧебяхIси ВатIа дергъла I-ибил бутIа»  бикIуси орденничи ва чумал юбилейный медальличи лайикь­­викибсири.
Хала дудеш гIибратли ветаурти Руслай ва Юминни  гъабзадешла гьуни даимбариб.
Илдас ва лебилра бургъантас чедибдешра сархили, ара-сагъли чула бегIтачи, хъалибаргуначи, дурхIначи жяв-жявли чарбухъахъес Аллагьли кьадарбараб!

С.ГIябдуллаева