Адамла гIямрула анхъ дурхIнани жагабирахъули саби. ДурхIнас «урхIла» или буресра асухIебирар, сенахIенну илди чеалкIути гIяхIти, духути, бяркъчебти биалли, халабаибхIели, илдани чула бегIтасцун ахIи, гIяламлисра пайда бихуси саби.
ГIякьлучебти дурхIни чинаб чебаасра, уркIи разибирар. Иш халаси ахIенси белкIлизибра духуси рурсиличила —ГIяймаумахьила школализир 6-ибил класслизир ручIуси Анжела ГIялиевачила бурес дигулра.
Ил школализир «шула» кьиматуначил ручIулицун ахIи, сарерхурли, школала гIям­рулизир жигарла бутIакьяндеш дируси рурси сари. Анжелани му­гIял­лимтала хъар­баркьун­и заманаличир де­­тур­­хахъу. Сунела клас­сла ва школала дурхIначил Анжелани хъярхъли дархьти гъай дургу, ва сунени рирусигъуна кумекбарес гьалакли рирар. Школализир детурхути далдуцу­начир, декIар-декIарти конкурсуначир Анжелани мурталра бутIакьяндеш диру, ва ил гьаларти мераначи лайикьриркули рирар.
Анжелас урус мезла ва математикала дурсри имцIали дигахъу.
Дурсразирад акьуси замана илини хъулирти хIянчи диру, хаслира дигахъу берклуми дирухIели нешлис кумекрикIес. Анжелас илкьяйдали някъли ибути декIар-декIарти гIягIниахълуми диресра дигахъу. Рурсили хIебалуси секIайс кумекбирули, ил белчIудилизир гIерруцули, школализир филологли рузули сари Анжелала неш Нурият Чамсулвараевнара.
Рурсилис гIяхIси бяркъ бедлугути бегIти Шамиллисра Нуриятлисра баркалла биаб.
Гьар се-секIайзир сарерхурси Анжелас бел­чIу­ди­ли­зир ва гIямрулизир багьудлуми, сархибдешуни ва гьарбизуни дулгулра. Рирхулра ил рурсили школа мургьила медальличил таманбирниличи ва сунени би­кIибси санигIятлизир гIяхIси специалист ретарниличи.
РучIен, рузис рат, ручIен
Шулабицун кайсули,
БагьудлумагIир умцIен,
Анжела хIерамсурли.

РучIен хIу, медальличил
Школа таманаэсли,
Дигул санигIятличи
Гьамадли регIриэсли.

ХIу хамли арилкьути
БегIти арали калаб,
Аллагьли гIяхIтигъунти
Рурси, хIед кьадардараб!